«Չորրորդ ինքնաիշխանություն».Փեսեքի երկիր Հայաստանս

Ինչպես գրում է Չորրորդ ինքնիշխանությունը ՝ «Երևանի քաղաքապետ Կարեն Կարապետյանը թամանյանական բազալտե և տուֆե շենքերը անհասկանալի գույներով ներկելու գործընթացն ավարտել է ու հիմա որոշել է քաղաքի կենտրոնական փողոցները «մաքրել» գովազդային վահանակներից։ Գովազդային վահանակներ տեղադրելու հնարավորություն ունեին ՄԱԿ նախագահ Գուրգեն Արսենյանին պատկանող «Յունիքոլ գրուպ» և Նուշիկյաններին պատկանող «Նուշիկյան ասոցիացիա» ընկերությունները։

«ՉԻ» տեղեկություններով՝ Կարեն Կարապետյանի փեսան պարզապես դրսից սկսել է գովազդային էկրաններ ներկրել, և քաղաքապետը որոշել է խթանել նրա բիզնես գործունեությունը, այն է ՝ գովազդային վահանակները փոխարինել գովազդային էկրաններով։

Ի դեպ՝ երեկ Գուրգեն Արսենյանը մամլո ասուլիսի շրջանակներում հայտարարել է , որ բարաբարոսաբար ոչնչացվել են իրենց պաստառները, 110 ԱՄՆ դոլարի չափով վնասվել է Արսենյանը, իսկ 170 ԱՄՆ դոլարի չափով՝ Նուշիկյանները։ «Մենք քաղաքային այսպիսի իշխանությունների հետ չպետք է աշխատենք։ Մարդիկ ենք, որ հարկեր ենք մուծում, պետություն ենք պահում, մեր արժանապատվությունից ցածր է այդպիսի մարդկանց հետ աշխատել։ Ես հրահանգ եմ տվել դադարեցնել մեր գործունեությունը. պատճառը նյութականը չէ, այլ անպատվաբեր աշխատանքը քաղաքային այսպիսի իշխանությունների հետ», հայտարարել է Արսենյանը։ Ի դեպ՝ երկու ընկերություններն էլ դիմել են դատարան»։