Ավստրալիացի պատգամավորը Ղարաբաղ այցելելու պատճառով քննադատության զոհ է դարձել

Ադրբեջանական լրատվամիջոցներն անդրադարձել են հայկական ԶԼՄ–երում հայտնված այն տեղեկությանը, որ Ավստրալիայի խորհրդարանի պատգամավոր Ուիլյամ Սեկորդն այցելել է Լեռնային Ղարաբաղի Հանրապետություն։   

Ավստրալիայի նահանգային խորհրդի պատգամվորի այցը ԼՂՀ լուրջ վրդովմունքի պատճառ է դարձել ինչպես նրա գործընկերների, այնպես էլ Ադրբեջանի կողմից։

Ադրբեջանը պաշտոնական բողոքի նոտա է հղել Թուրքիայում Ավստրալիայի դեսպանին։ Սակայն բողոքի նոտային ի պատասխան դեսպանատնից հայտնել են, որ Ուիլյամ Սեկորդը ոչ թե Ավստրալիայի խորհրդարանի պատգամավոր է, այլ Հարավային Ուելսի նահանգային խորհրդի անդամ և որ նրա այցը եղել է զուտ ճանաչողական բնույթի ու չի ներկայացրել պաշտոնական Սիդնեյի դիրքորոշումը ԼՂՀ ճանաչման հարցում։