Սիրիայի իշխանություններն ազատ են արձակել «Ալ Կաիդայի» բարձաստիճան ղեկավարներից մեկին

Սիրիայի իշխանություններն ազատ են արձակել «Ալ Կաիդայ» միջազգային ահաբեկչական խմբավորման բարձաստիճան ղեկավարներից Մուստաֆա Սետմարիամին, որը նաև հայտնի է Աբու Մուսաբ ալ–Սուրի անունով։ Ահաբեկիչը ձերբակալվել էր անցյալ տարվա դեկտեմբերին։

Ըստ վերլուծաբանների՝ ահաբեկչի ազատ արձակումը Սիրիայի իշխանությունների կողմից ԱՄՆ–ին ուղղված խորհրդանշական ժեստ է, որով պաշտոնական Դամասկոսը ցանկանում է ցույց տալ  ԱՄՆ–ի հետ ահաբեկչության դեմ պայքարի հարցում համագործակցելուց իր հրաժարումը։ Այդ քայլով Սիրիան ակնհայտորեն պատասխանում է ԱՄՆ–ի կողմից իր դեմ ուղղված պատժամիջոցներին։

Մուստաֆա Սետմարիամը ծնվել է Սիրիայում և «Ալ Կաիդա» ահաբեկչական ցանցում համարվում է չորրորդ ղեկավար անձը։ Վերջինս 2005 թվականին ձերբակալվել էր Պակիստանում և հետագայում հանձնվել Սիրիայի իշխանություններին։ Սիրիայում նրան մեղադրում էին մի շարք խոշոր ահաբեկչություններ կազմակերպելու և իրականացնելու մեջ, հաղորդում է Lenta.ru–ն։