Բեն Լադենի կողմից փնտրվող ամերիկացին մահացել է Մեքսիկայում

Ամերիկացի Ջանաթան Իդեման, որն ազատազրկման էր դատապարտվել Աֆղանստանում խաղաղ բնակչության հանդեպ բռնի գործողություններ և խոշտանգումներ կատարելու համար, մահացել է Մեքսիկայում, հաղորդում է Lenta.ru–ն։ Նշվում է, որ Իդեման մահացել է հունվարի 21–ին ՁԻԱՀ–ից՝ 55 տարեկան հասակում։

Նա Մեքսիկա էր տեղափոխվել 2007 թվականին Աֆղանստանի նախագահ Համիդ Քարզայի հայտարարած համաներումից հետո։ Իդեման հայտնի էր դարձել 2000 թվականի սկզբից, երբ Աֆղանստանում հայտարարել էր «Ալ Կաիդայի» առաջնորդ Ուսամա Բեն Լադենի հետ գաղտնի հարաբերություններ ունենալու մասին։ 

Նա մի քանի անգամ հայտարարել էր, որ իր խմբավորումը կապ ունի ԱՄՆ–ի և Աֆղանստանի իշխանությունների հետ։ Աֆղանստանի իշխանությունները հերքել էին այդ տեղեկությունները, սակայն ՆԱՏՕ–ի ուժերը նշել էին, որ Իդեմայի խմբավորումը մի քանի անգամ օգնել է ՆԱՏՕ–ի զորքերին՝ ծուղակներից դուրս գալու ժամանակ։ Նա իր զինվորական ծառայությունն անցկացրել է ԱՄՆ–ում և մինչև 1978 թվականը ծառայել է ԱՄՆ–ի հատուկ զինված ուժերում։