Հիլարի Քլինթոնը Լավրովի հետ կքննարկի Սիրիայի հարցը
Մերձավոր Արևելք
ԱՄՆ պետքարտուղար Հիլարի Քլինթոնը մտադիր է Ռուսաստանի ԱԳ նախարար Սերգեյ Լավրովի հետ քննարկել Սիրիայում ստեղծված իրավիճակը։ Այդ հայտարարությունը ԱՄՆ պետաքարտուղարն արել է երեքշաբթի երեկոյան ՄԱԿ-ի կենտրոնակայանում Սիրիայի հարցով ԱԽ–ի նիստի վերջում տեղի ունեցած մամլո ասուլիսի ժամանակ։
«Ես պատրաստվում եմ խոսել Սերգեյ Լավրովի հետ, - ասել է նա։ - Նա այժմ մեկնել է Ավստրալիա։ Ես նույնպես մեկնում եմ Ավստրալիա։ Ես չեմ կարծում, որ այս ամենի մեջ պետք է փնտրել ինչ–որ ստվերային գործարքներ»։
Նախօրեին Լավրովը Ավստրալիայում հերքել էր լրատվամիջոցների տարածած այն տեղեկությունները, որ ինքը չի պատասխանել ԱՄՆ պետքարտուղարի հեռախոսազանգերին։ Լավրովն ավելացրել էր, որ նախօրեին երբ ինքը Նոր Զելանդիայից ժամանելիս է եղել Ավստրալիա, իրեն զեկուցել են, որ Հիլարի Քլինթոնը ցանկացել է հեռախոսազրույց ունենալ իր հետ՝ ավելացնելով, որ «նման սահմանափակ հնարավորությունների պայմաններում դժվար է հեռախոսազրույց ունենալ այդքան կարևոր հարցի շուրջ», հաղորդում է ИТАР-ТАСС–ը։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
