Կենդանի ծնունդը նվազել է, ամուսնալուծությունների, մահացության, մեռելածնության թվերը՝ աճել. ԱՎԾ

Ազգային վիճակագրական ծառայության մարդահամարի և ժողովրդագրության բաժնի պետ Կարինե Կույումջյանն այսօր հրավիրված ասուլիսի ժամանակ անդրադառնալով ծնելիության ու մահացության ցուցանիշներին՝ ասաց. «Ծնելիության և մահացության ցուցանիշները ստացվում են Արդարադատության նախարությունից ակտերի միջոցով: Մահվան ակտեր, ծննդյան ակտեր... Դրաք բոլորը անվանական ակտեր են, որոնք հասնում են վիճակագրական ծառայություն: Գրանցվել է կենդանի ծնունդի 3,1% նվազում։ Մահացության դեպքերը 2011-ի հունվար-դեկտեմբերի տվյալներով աճել են 0,4 աստիճանով»:

Անդրադառնալով անցած տարվա ընթացքում գրանցված մեռելածնության դեպքերին՝ Կույումջյանն ասաց. «Եղել է 853 դեպք. 2010 թվականի համեմատ ունենք որոշակի աճ: Ամուսնության գրանցումները 2011-ին 8,6%-ով աճել են: Աճել է նաև ամուսնալուծությունների թիվը՝ 6,4 տոկոսով, 3188 ամուսնալուծություն»:

Խոսելով մահացության և ծնելիության մարզային կառուցվածքի մասին՝ Կույումջյանը հայտնեց, որ հանրապետությունում ծնելիության միջին ցուցանիշը  գերազանցում է Երևանում, Արագածոտնում, Արմավիրում, Կոտայքում: Ամենաքիչ ծնելիությունը գրանցվել է Սյունքի մարզում: Մահացության ցուցանիշներով առաջատարը Լոռին է, այնուհետև Տավուշը, Շիրակը և Արագածոտնի մարզը: Գեղարքունիքի մարզում գրանցվել է ամենաքիչ մահացությունը:

Ծնունդների քանակով տաղները գերկշռում են: Բանախոսը նշել է նաև նորածինների այն անունները, որոնք ավելի հաճախ են հանդիպում. Մանե, Միլենա, Մարի, Ելեն, Նարե, Անի, Աննա, Անահիտ, Մերի,  Նարեկ, Դավիթ, Գոռ, Հայկ, Էրիկ։