WikiLeaks–ի հիմնադրի դատավարությունը շարունակվում է

Լոնդոնի Գերագույն դատարանն այսօր սկսում է նախորդ ատյանի դատարանի կայացրած որոշման դեմ WikiLeaks–ի հիմնադիր Ջուլիան Ասանժի բողոքի քննությունը, որը վերաբերում է սեռական հանցագործությունների մեղադրանքով Շվեդիա էքստրադիցիայի ենթարկելու գործին։

Ջուլիան Ասանժը մերժում է դատարանի որոշումը և պնդում է, որ իրեն Շվեդիա էքստրադիցիայի ենթարկելու դեպքում ԱՄՆ–ի իշխանությունները նույնպես կարող են էքստրադիցիայի պահանջ ներկայացնել դիվանագիտական գաղտնի փաստաթղթեր հրապարակելու մեղադրանքով, հաղորդում է BBC–ն։

Հիշեցնենք, որ WikiLeaks-ի հիմնադիրը ձերբակալվել է անցյալ տարվա դեկտեմբերին։