«Հիացած եմ Դանիայի ֆուտբոլասերների պահվածքով»

Ռոբերտ Մելքոնյանն իր ֆեյսբուքյան էջում գրել է.

«Հիացած եմ Դանիայի ֆուտբոլասերների պահվածքով…Զգում ես, որ մշակույթ է ձևավորվել, զգացվում է քաղաքացին՝ կիրթ քաղաքացին, որին չես նկատի նույնիսկ եվրոպական որևէ այլ երկրի մարզադաշտում:

Հիացած և տպավորված եմ մարզադաշտում հիմնի կատարումից…

Դա մի աննկարագրելի զգացում էր, տպավորություն, հրաշք: Երբ ֆուտբոլասերը թռվռալու, սուլելու, դրոշները թափահարելու փոխարեն երգում է, երգում է իր երկրի հիմնը, երգում է ինքնամոռաց, հպարտ, արժանապատվության զգացումով, գեղեցիկ՝ երգում առանց նվագակցության, առանց երաժշտության…

Սովորել է պետք, դաստիարակել… Ընդօրինակել է պետք, լավ բանը ընդօրինակելը անպատվաբեր չէ, ընդհակառակը…»։