Թուրքիայի իշխանությունները պատրաստ են ցուցարարների դեմ դուրս բերել բանակը

Թուրքիայի իշխանությունները հայտարարել են, որ անհրաժեշտության դեպքում իրենք պատրաստ են հակակառավարան ցույցերը ցրելու գործին ներգրավել նաև թուրքական բանակը: Այս մասին հայտարարությունը հնչել է Թուրքիայի փոխվարչապետ Բյուլենթ Առընչի կողմից. մեջբերում է Интерфакс-ը:

«Ոստիկանությունը կիրառելու է իր տնօրինության տակ գտնվող բոլոր օրինական միջոցները՝ անկարգություններին վերջ տալու համար: Եթե դա բավարար չլինի, ապա քաղաքներում գործի կդրվի նաև բանակը: Դա անհրաժեշտ է կազմակերպել տեղական իշխանությունների վերահկողությամբ»,-հայտարարել է փոխվարչապետը: