Թվիթեր օգտագործողների թվով Ռուսաստանն աշխարհում 20-րդն է

Ռուսաստանն աշխարհում 20-րդն է Թվիթեր (Twitter) օգտագործողների թվով, իսկ նրանց ակտիվության ցուցանիշով՝ 7-րդը։ Այս մասին տեղեկանում ենք երեկ ֆրանսիական հետազոտական «Սեմիոքասթ» (Semiocast) ընկերության կողմից հրապարակված զեկույցից։ Ըստ այդ զեկույցի՝ Թվիթեր օգտագործող ռուսների թիվը մոտ 5 մլն է, իսկ ընդհանուր առմամբ ամբողջ աշխարհում 2012 թվականի հունվարի 1-ի դրությամբ հաշվվում է վերոհիշյալ միկրոբլոգի շուրջ 383 մլն օգտագործող։ Ակնայտ առաջատարը ԱՄՆ–ն է՝ 107.7 մլն թվով։
Միկրոբլոգի ամենաակտիվ օգտագործողները Նիդերլանդների բնակիչներն են, իսկ գլխավոր լեզուն՝ անգլերենը. հաղորդագրությունների շուրջ 40 %-ը գրված են անգլերենով, հաղորդում է РИА Новости-ն։