Պինկաս Ցուկերմանը` Երևանում

Երևանյան հեռանկարներ միջազգային երաժշտական փառատոնի շրջանակներում հոկտեմբերի 26-ին  Հայաստանի պետական ֆիլարմոնիկ նվագախմբի հետ հանդես եկավ աշխարհահռչակ ջութակահար Պինկաս Ցուկերմանը:

Լրագրողների հետ ասուլիսի ժամանակ   Հայաստան կատարած իր  այցի հետ կապված մի շարք բացահայտումներ արեցին Պ.Ցուկերմանը և փառատոնի գեղարվեստական ղեկավարը:

«Լենգենդար ջութակահարի համերգը գրանդիոզ ավարտ է փառատոնի համար»-այսօր ասուլիսի ժամանակ ասաց փառատոնի գեղարվեստական ղեկավար Ստեփան Ռոստոմյանը: «Երջանիկ եմ, քանի որ Ցուկերմանն այնքան էլ հեշտությամբ չի գնում մենահամերգներով այլ երկրներ, սակայն ընդունեց մեր առաջարկն ու հանդես կգա մեր նվագախմբի հետ»- ընդգծեց նա:

Լեգենդար ջութակահար Պինկաս Ցուկերմանն էլ իր հերթին ասաց, որ ուրախ է վերադառնալ Հայաստան. «Նախորդ այցը եղել է մեկ ու կես տարի առաջ, և այս ընթացքում Երևանն ավելի է գեղեցկացել»:

Խոսելով կայանլիք Հայաստանի պետական ֆիլհարմոնիկ նվագախմբի հետ համերգի մասին`  Պ. Ցուկերմանը նշեց, որ յուրաքանչյուր նվագախումբ իր առանձնահատկությունն ունի. «Սակայն ես մեծ անհամբերությամբ եմ սպասում այսօրվա համերգին, քանի որ ելույթ եմ ունենալու հրաշալի նվագախմբի հետ»:

Պատասխանելով հարցին, թե ո՞րն է նրա ողջ գործունեության լավագույն հաղթանակը, ջութակահարը ասաց, որ դեռ սպասում է այդ մեծ հաղթանակին,և ասաց. «Սակայն ամենամեծ հաղթանակը իմ նորածին թոռնուհին է»:

Հիշեցնենք որ ծրագրում հնչելու էր Մաքս Բրուխ (Ջութակի կոնցերտ թիվ 1 սոլ մինոր, ընտրել է անձամբ Ցուկերմանը), Ջուզեպպե Վերդի (Նախերգանք «Ճակատագրի ուժը» օպերայից), Պ.Ի.Չայկովսկի (Սիմֆոնիա թիվ 6, սի բեմոլ մինոր «Պաթետիկ»):