Հավերժական ազատության թեմայով հայկական ֆիլմը` «Cinema perpetuum mobile» միջազգային փառատոնի դիպլոմակիր

ՀՀ մշակույթի նախարարության աջացությամբ ռեժիսոր Գուժ Թադևոսյանի հավերժական ազատության թեմային նվիրված «Մարգար պապը» կարճամետրաժ ֆիլմը մասնակցել է ս. թ. հունվարի 16-18-ը Մինսկում կայացած «Cinema perpetuum mobile» միջազգային կինոփառատոնին և արժանացել դիպլոմի: Այդ մասին ասված է նախարարության պաշտոնական կայքում զետեղված հաղորդագրությունում։

Փառատոնին մասնակցել են 35 երկրի 150 երիտասարդ ռեժիսորներ, ցուցադրվել է 180 ֆիլմ: Ֆիլմի պրեմիերայից հետո փառատոնի ժյուրիի անդամ, «Բելառուս վիդեո կենտրոնի» տնօրեն Յուրի Իգրուշան /նա նաև վարպետության դաս է անցկացրել, անդրադարձել է ժամանակակից կինոյի առկա խնդիրներին ու զարգացումներին/ առաջարկ է արել Գուժ Թադևոսյանին նկարահանելու հայ-բելառուսական լիամետրաժ ֆիլմ:

«Մարգար պապը» ֆիլմը նկարահանվել է Հայաստանի ազգային կինոկենտրոնի աջակցությամբ: Այն ցուցադրվելու է «Cinema perpetuum mobile» փառատոնի գրծընկերներ հանդիսացող Մարոկկոյի, Բեռլինի, Լեհաստանի կինոփառատոներում: