Տիգրան Սարգսյանն ու Նավասարդ Կճոյանը խախտել են Սահմանադրությունը
Բլոգոսֆերա
Ստեփան Դանիելյանը Facebook սոցցանցի իր էջում գրել է.
«Ըստ սահմանադրության 8-րդ հոդվածի. «Հայաստանի Հանրապետությունում եկեղեցին անջատ է պետությունից», սակայն խախտելով սահմանադրությունը, Տիգրան Սարգսյանը, լինելով վարչապետ, միաժամանակ հանդիսանում է Արարատյան հայրապետական թեմի թեմական խորհրդի ատենապետ:
Խախտվել է նաև կրոնական կազմակերպությունների մասին օրենքի 17-րդ հոդվածի բ) կետը. Պետությունը «չի միջամտում եկեղեցու և կրոնական կազմակերպությունների՝ օրենքին համապատասխնանող գործունեությանը և ներքին կյանքին, արգելում է եկեղեցիների և կրոնական կազմակերպությունների կառուցվածքում որևէ պետական մարմնի կամ նրա հանձնարարությունները կատարող անձի գործունեություն»:
Ավելին, նախագահի ընտրություններից առաջ Հայ եկեղեցու Արարատյան հայրապետական թեմի թեմական խորհուրդը, և քահանայից դասը՝ առաջնորդական փոխանորդ Նավասարդ Արքեպիսկոպոս Կճոյանի գլխավորությամբ ժողով է գումարել: Ժաղովի ժամանակ Նավասարդ սրբազանն առաջարկել է, որպեսզի Արարատյան հայրապետական թեմի բոլոր եկեղեցիների ծխական համայնքներին փոխանցվի սրբազան հոր հորդորը՝ փետրվարի 18-ին մասնակցել ընտրություններին և քվեարկել Սերժ Սարգսյանին»:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
