Քաթարի էմիրն այսօր իր գահը կհանձնի որդուն. Ալ Ջազիրա
Մերձավոր Արևելք
Քաթարի էմիր շեյխ Համադ բեն Խալիֆ ալ Թանին մտադիր է իր գահն ու իշխանությունը հանձնել իր որդուն` ժառանգորդ արքայազն շեյխ Թամիմ բեն Համադ ալ Թանիին: Այս մասին տեղեկացնում է Ալ Ջազիրան:
Բացառված չէ, որ միապետական իշխանության հանձնումը տեղի կունենա այսօր` իշխող ընտանիքի անդամների հետ երկրի քաղաքական գործիչների հանդիպման ժամանակ: Էմիրի հետ միաժամանակ իր պաշտոնը կլքի նաև երկրի վարչապետ շեյխ Համադ բեն Ջասիմ ալ Թանին, ով միաժամանակ զբաղեցնում է երկրի արտգործնախարարի պաշտոնը:
Ներկայիս միապետ շեյխ Համադը 61 տարեկան է, իսկ նրա որդին` 33: Նման «քաղաքակիրթ» իշխանափոխությունը, եթե այն տեղի ունենա, բնավ բնորոշ չէ Պարսից ծոցի միապետական երկների և առհասարակ արաբական պետությունների համար. կարծում է ИТАР-ТАСС-ը: Որպես կանոն` արաբ թագավորներն ու էմիրներն իրենց գահին են մնում ցմահ կամ լքում են այն պալատական հեղաշրջման արդյունքում:
ՈՒՂԻՂ ԵԹԵՐ
Ամենադիտված 
Մահացել է ուսուցչուհի Անուշ Ավետիսյանը
