Տիգրան Սարգսյանը ԶԼՄ-ների հետ «մեծ արշավ» է սկսում

ՀՀ վարչապետ Տիգրան Սարգսյանն այսօր կառավարության հերթական նիստը բացելով անմիջապես առանձնացրեց օրակարգի կարևորագույն խնդիրները, որոնցից մեկի համարձայն, ըստ վարչապետի, փետրվարի մեկից ԶԼՄ-ների հետ իրենք նախատեսել են «մեծ արշավ»։

«Փետրվարի մեկից ԶԼՄ-ների հետ մենք նախատեսել ենք մի մեծ արշավ, որի նպատակն է էապես բարելավվել պետության կողմից տրամադվող ծառայությունների որակը: Մենք ձեզ հետ միասին այս բնագավառում պետք է շատ հետևողական լինենք: Այս աշխատանքները տրամաբանական ավարտին հասցնելու համար մեզ անհրաժեշտ է, որպեսզի մեր քաղաքացիներն իրազեկված լինեն, թե ինչպիսի ծառայություններ ենք մենք նրանց մատուցում և ինչպիսի փոփոխություններ են տեղի ունենում այդ ծառայություններում: Քաղաքացիները պետք է իրազեկված լինեն շուրջ տասնութ գերատեսչությունների կողմից մատուցվող ծառայությունների վերաբերյալ: Եվ մենք, Համաշխարհային բանկի օժանդակությամբ, սկսել ենք լայնածավալ իրազեկման աշխատանքները: ԶԼՄ-ները տեղեկացնելու են մեր քաղաքացիներին, թե ինչ նոր հնարավորություններ ենք մենք իրենց համար ստեղծել և ինչպես նրանք օգտվեն այդ հնարավորություններից»: