Ձյան մաքրման աշխատանքները շարունակվո՞ւմ են

Մայրաքաղաքում տեղացող ձյան հետևանքները վերացնելու նպատակով անցած գիշերվա ընթացքում մայրաքաղաքի բոլոր վարչական շրջանների կոմունալ ծառայությունների կողմից աշխատանքներ են իրականացվել մայրաքաղաքի փողոցներում անխափան երթևեկությունն ապահովելու ուղղությամբ: Այդ մասին ասված է Երևանի քաղաքապետարանի պաշտոնական կայքում զետեղված հաղորդագրությունում։

Փետրվարի 1-ի լույս 2-ի գիշերվա ընթացքում մայրաքաղաքի փողոցների ու մայթերի ձյան մաքրման աշխատանքների համար օգտագործվել է 234,5տ տեխնիկական աղ և 557,2 խմ ավազ, գործի է դրվել 139 միավոր հատուկ մեքենամեխանիզմ:

Թեև քաղաքապետարանից պնդում են, որ բոլոր վարչական շրջաններում մաքրման աշխատանքները շարունակվում են, սակայն Երևանի ծայրամասերում, մասնավորապես, ճանապարհների վիճակը դեռևս անմխիթար է։