Եգիպտոսում հակակառավարական բախումների արդյունքում զոհվել է 4, վիրավորվել` 200 մարդ

Եգիպտոսում նախագահ Մուհամմեդ Մուրսիի կողմնակիցների և ընդդիմադիրների միջև հուլիսի 1-ի գիշերը տեղի ունեցած բախումների արդյունքում վիրավորվել է 200 ցուցարար, 4 մարդ մահացել է. գրում է Reuters-ը` հղում կատարելով Եգիպտոսի առողջապահության նախարարությանը:

Կահիրեում մի քանի հարյուր մարդկանցից բաղկացած խումբը հարձակվել էր իսլամիստական «Մուսուլման եղբայրներ» շարժման գլխավոր գրասենյակի վրա, որի անդամ է հանդիսանում նախագահ Մուրսին: Շենքի վրա պայթուցիկ նյութեր և շշեր են նետել, ի պատասխան որի` ցուցարարների վրա գրասենյակից կրակ են արձակել:

Կենտրոնական Թահրիր հրապարակը զբաղեցրած ցուցարարներն այնուհետև հավաքվել են նախագահական նստավայրի մոտ և պահանջում են Մուրսիի հրաժարականը: