Եգիպտոսի նախագահը մերժել է բանակի ներկայացրած 48-ժամյա վերջնաժամկետը

Եգիպտոսի նախագահ Մուհամմեդ Մուրսին մերժել է երկրի զինված ուժերի Գերագույն խորհրդի կողմից իրեն ներկայացված 48-ժամյա վերջնաժամկետը, որը ներկայացվել էր վերջինիս երկուշաբթի օրը, և որով Եգիպտոսի քաղաքական գործիչներից պահանջվում էր 2 օրվա ընթացքում կատարել «եգիպտացի ժողովրդի բոլոր պահանջները»: Այս մասին տեղեկացնում է Agence France-Presse-ը` հղում կատարելով պետության ղեկավարի աշխատակազմի ղեկավարին:

Ըստ նրա խոսքերի` Եգիպտոսի ժողովրդավարական հանրապետությունը 2011թ. հունվարի 25-ի հեղափոխության ամենակարևոր ձեռքբերումն է: Այն ազատ արձակել չի կարելի ոչ մի դեպքում, քանի որ ժողովուրդը դրա համար իր արյունն է թափել, զոհել է իր զավակներին և կայուն կյանքը:

Միաժամանակ, հրաժարականի դիմում է ներկայացրել Եգիպտոսի արտգործնախարար Մուհամմեդ Աամել Ամրը:

Հիշեցնենք, որ նախօրեին կառավարության կազմը լքել էր ևս 5 նախարար: Բացի այդ, նախագահի քաղաքականության նկատմամբ իր դժգոհությունն արտահայտելով` հրաժարական էր տվել 3 նահանգապաետ: