Եգիպտոսում ռազմական հեղաշրջումից հետո պետության նոր ղեկավար է նշանակվել

Հուլիսի 3-ի երեկոյան Եգիպտոսում գեներալ Աբդել Ֆաթթահ ակ Սիսին դիմել է եգիպտացի ժողովրդին բանակցություններից հետո, որին մասնակցել էին գեներալական անձնակազմը, ընդդիմության առաջնորդները և մուսուլմանական ու քրիստոնեական համայնքերի ղեկավարները: Իր ճառում գեներալը հայտնել է, որ Մուհամմեդ Մուրսին հեռացվել է Եգիպտոսի նախագահի պաշտոնից: Սիսին նաև չեղյալ է հայտարարել երկրի սահմանադրությունը, և Եգիպտոսում ստեղծվելու է չեզոք տեխնոկրատական կառավարություն և կնշանակվեն նախագահի արտահերթ ընտրություններ:

Երկրի ժամանակավոր ղեկավար է դարձել Եգիպտոսի սահմանադրական դատարանի ղեկավար 68-ամյա Ադլի Մանսուրը: Ինչպես տեեկացնում է Reuters-ը, Մանսուրը հուլիսի 4-ին պետք է երդմնակալություն տա:

Իսկ ինչպես տեղեկացնում է The Guardian-ը, Մուհամմեդ Մուրսին հրաժարվում է լքել իր պաշտոնը և բանակի գործողությունները որակել է իբրև ռազմական հեղաշրջում: Թե որտեղ է այս պահին գտնվում Մուրսին, հայտնի չէ: