Թանկացումներն ինչ-որ մեկի կամքով են արվում. Զոյա Թադևոսյան

«Չորրորդ ինքնիշխանություն» թերթը հայաստանյան շուկայում վերջին շրջանում մի շարք ապրանքատեսակների գների բարձրացման պատճառների մասին զրուցել է Հայ ազգային կոնգրեսի ներկայացուցիչ, տնտեսագետ Զոյա Թադևոսյանի հետ։ Թերթի հարցին, թե կարելի՞ է ասել, որ վերջին օրերի թանկացումները պայմանավորված են դոլարի արժևորմամաբ, Թադևոսյանը պատասխանել է. «Իհարկե: Բայց պարադոքսն այն է, որ երբ դոլարը արժեզրկվում է՝ գներն էլի են բարձրանում: Այս տնտեսագիտական տրամաբանության շրջանակներում խնդիրը բացատրել չի լինում: Դրա համար եմ ասում՝ այնքան են աղավաղել տնտեսությունը, տնտեսական հասկացությունների մեջ որոշակի տրամաբանություն գտնելու ակադեմիական մտածողությունը, որ այլևս անհնար է հասկանալ, թե արժևորումը կամ արժեզրկումը ինչ հետևանանքեր է թողնում երկրների տնտեսության վրա: Ուղղակի մնում է միայն վստահ ասել, որ սա ինչ-որ մեկի կամքով է արվում: Իսկ այդ կամքը ամենևին էլ տնտեսագիտական կատեգորիա չէ»: