Bloomberg-ի տնօրենը կղեկավարի Dow Jones–ը

News Corporation–ի սեփականատերերը, որոնց պատկանում է Dow Jones գործարար տեղեկատվական գործակալության ակտիվների մեծ մասը, հայտարարել են գործակալության ղեկավարի փոփոխության մասին։ 

Bloomberg գործակալության ղեկավար պաշտոն զբաղեցնող Լեքս Ֆենվիկը նշանակվել է Dow Jones–ի ղեկավար, հաղորդում է BBC Russia–ն։

2011–ի հուլիսից այդ պաշտոնը թափուր էր մնացել նախորդ տնօրեն Լես Հինթոնի հեռացումից հետո, որը կապված էր բրիտանական ընկերության կողմից հայտնի մարդկանց հեռախոսազրույցների գաղտնալսման սկանդալի հետ։

News Corporation–ը համաշխարհային մեդիա շուկայի գլխավոր դերակատարներից մեկն է, որին պատկանում է 20th Century Fox, Fox News հեռուստաընկերությունները, արբանյակային օպերատորներ, Dow Jones և News Outdoor, ինչպես նաև տպագիր մամուլից՝ Wall Street Journal, Times, Sun եւ New York Post թերթերը։