Թուրքիան հրաժարվել է գնել առավել վաղ պատվիրած ֆրանսիական մեքենաները

Թուրքիայի կառավարությունը հրաժարվել է առավել վաղ պատվիրած ֆրանսիական Renault Latitude մակնիշի ավտոմեքենաները գնելուց: Փոխարենը վճռել է գնել Ford Mondeo մակնիշի 20 ավտոմեքենաներ, գրում է թուրքական Haber Türk թերթը։

Թուրքիայի կառավարությունը մտադիր էր գնել Renault Latitude մակնիշի 130 ավտոմեքենա, սակայն Ֆրանսիայի Սենատի կողմից Հայոց ցեղասպանության հերքումը քրեականացնող օրինագծի ընդունումը խափանեց այդ ծրագիրը:

Նշենք, որ Էրդողանը հրաժարվել է Akmercan ընկերությունից ընդունել որպես նվեր իրեն տրված Renault Fluence էլեկտրամոբիլը: Թուրքիայի կառավարությունը Akmercan ընկերությունից սովորաբար ավտոմեքենաներ է վարձակալում: