«Հարգելի՛ չինովնիկներ, մի՛ մոռացեք հագնել ձեր ծաղրածուի կարմիր քիթը»

Ալեն Սիմոնյանը Facebook սոցցանցի իր էջում գրել է.

«Նոր կարդացի, որ թերթերից մեկը գրել է, թե ՀՅԴ պատգամավոր Աղվան Վարդանյանը կարող է հարցաքննվել ինչ-որ քրեական գործի շրջանակներում: Գիտեք մի այլ կարգի զզվանք եմ ապրում, երբ նման բաներ եմ կարդում: Մի օրինաչափություն են դնում շրջանառության մեջ, որ այն քաղաքական գործիչը, ով քննադատում է իշխանությանը պետք է պետության կողմից հարձակումների ենթարկվի: Երբ Խաչատուր Սուքիասյանը ելույթ ունեցավ Ազատության հրապարակից, պարզվեց, որ "բջնի" գործարանում խախտումներ կան և այն ուղղակի պետական մակարդակով գողացան: Երբ Վարդան Օսկանյանը քննադատական ելույթներ ունեցավ ԲՀԿ համագումարին, պարզվեց, որ գումար է լվանում: Այո հենց այնտեղ՝ ԲՀԿ-ի համագումարում էլ դա պարզվեց: Հիմա հերթն Աղվան Վարդանյանինն է, որն իր ԱԺ ելույթներում եւ վերջին ասուլիսի ժամանակ սուր քննադատությամբ հանդես եկավ կառավարության հասցեին: Արի ու տես պարզվում է, որ փակված քրեական գործով, որի նախաքննությունը վաղուց ավարտվել է եւ շուտով դատավճիռն է արձակվելու՝ դեռ մութ բաներ կան, որի շրջանակներում կարող է հարցաքննվել նաև Աղվան Վարդանյանը:

Միշտ մտածել եմ, այն՝ իրեն իրավաբան համարող անձը կամ չինովնիկը , ով պետպատվերով մի հիմար բան է հնչեցնում ու մի "մեղադրանք" է գտնում ու ասում ի լուր Հայաստանի, ինքն իրենից առավոտները հայելու մեջ նայելուց ոնց չի զզվում? Իսկ նման գործերը հիմնականում, ուղղակի, մնում են օդում: Նույն փող լվանալու մեղադրանք հնչեցրած դատախազը կամ մարտի մեկյան այն մեկնաբանությունները, թե ոմանք "հոքեցունց" գույնի վերնաշապիկ էին հագել և ոչ պակաս հոգեցունց բառեր էին օգտագործել, ինչպիսին էին "մայր, հայր, հայրենիք" բառերը, կամ, որ 2008 թ հանրահավաքի մասնակիցներին դեղամիջոցներով պիցցաներ էին բաժանվել ու նման կապիկությունների շարանը կարելի է շարունակել ու շարունակել: Ուստի, հարգելի չինովնիկներ, երբ տեսախցիկների առջև մեծ-մեծ խոսում եք մարդու իրավունքներից, խոսքի ազատությունից, օրենքից. մի մոռացեք հագնել ձեր ծաղրածուի կարմիր քիթը: ՄԵկ է, Հայաստանում ձեզ լուրջ վերաբերվող չկա, դուք ոչ վստահություն եք վայելում, ոչ էլ հարգանք»: