Իսրայելը հինգ օրով կռմբակոծի Իրանը. The Washington Post

Ամերիկյան Washington Post պարբերականի թղթակից Դեյվիդ Իգնատյուսը  բացահայտումներ է արել ԱՄՆ–ի Պաշտպանության նախարարի՝  Իսրայելի կողմից առաջիկա օրերին Իրանի դեմ հարձակում սկսելու հնարավորության վերաբերյալ հինգշաբթի արված հայտարարության մասով։ 

Ըստ հոդվածագրի՝ Լեոն Պանետան հայտարարել է, որ Իսրայելը հավանաբար առաջիկա ամիսներին կհարձակվի Իրանի վրա։

«Պանետան համոզված է, որ Իսրայելի կողմից Իրանի միջուկային օբյեկտների վրա հարձակումը տեղի է ունենալու ապրիլ, մայիս կամ հունիս ամիսներին, այսինքն այն ժամանակ, երբ Իրանը դեռ ավարտած չի լինի, ինչպես անվանում են իսրայելցիները, «անձեռնմխելի տարածք» հանդիսացող միջուկային օբյեկտների ամրապնդման աշխատանքները», - գրում է Իգնատիուսը։ 

Համաձայն հոդվածի՝ Իսրայելը կարող է հարված հասցնել Իրանի միջուկային օբյեկտների ուղղությամբ՝ նախքան այդ ռազմական օբյեկտների ամրացման ավարտը, քանի որ ԱՄՆ-ը միայն այդ ձևով կարող է դադարեցնել Իրանի ռազմական նկրտումները։

«Իսրայելի վարչապետ Բենյամին Նեթանյահուն չի ցանկանում, որ հրեական պետության ճակատագիրը կախված լինի ԱՄՆ–ի գործողություններից», – գրում է Իգնատիուսը։

Ըստ հոդվածագրի, Իսրայելի կողմից Իրանի միջուկային օբյեկտների վրա ռազմական հարված հասցնելը կարող է տևել մոտ հինգ օր, որին կհաջորդի ՄԱԿ–ի Անվտանգության խորհրդի կողմից խնդրի խաղաղ կարգավորման բանաձևերի ընդունումը և հրադադարի կնքումը։