Իսրայելը կարող է գործողություններ սկսել Իրանի դեմ` չսպասելով ԱՄՆ-ին. Նեթանյահու
Մերձավոր Արևելք
Իսրայելը կարող է ինքնուրույն միջոցառումներ ձեռնարկել Իրանի միջուկային զենքի ստեղծման կանխարգելման դեմ` չսպասելով այդ հարցում ԱՄՆ-ի աջակցությանը. կիրակի օրը CBS հեռուստաընկերությանը տված հարցազրույցում հայտարարել է Իսրայելի վարչապետ Բենիամին Նեթանյահուն:
«Մեր դեպքում ժամացույցի սլաքներն ավելի արագ են ընթանալու, քան ԱՄՆ-ի մոտ: Մենք առավել խոցելի ենք, ուստի՝ ստիպված ենք պատասխան տալ այն հարցին, թե ինչպես ստիպենք Իրանին կանգ առնել, նախքան դա կորոշի անել ԱՄՆ-ն»,-ասել է վարչապետը:
Նրա կարծիքով` Իրանի Իսլամական Հանրապետությունը 2 ուղղությամբ է աշխատում՝ միջուկային զենք է ստեղծում և միջմայրցամաքային բալիստիկ հրթիռներ է մշակում, որոնք ի վիճակի են միջուկային լիցքը հասցնել ԱՄՆ-ի տարածքին:
Նա նաև հավելել է, որ այս ուղղությամբ Թեհրանի վարած քաղաքականությունը չի փոխվել նույնիսկ հունիսի 14-ին Իրանում կայացած նախագահական ընտրություններում Հասան Ռուհանիի հաղթանակից հետո:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
