Կովկասում խաղաղության հասնելու համար պետք է ազատել «Ադրբեջանի հողերը». Թուրքիայի ԱԳՆ

Թուրքիայի արտգործնախարար Ահմեդ Դավութօղլուն Ադրբեջանում իր պաշտոնական այցի շրջանակներում հայտարարել է, որ Կովկասում կայունություն և խաղաղություն հաստատելու համար անհրաժեշտ է «ազատել, այսպես կոչված, Ադրբեջանի հողերը»,-մեջբերում է նրա խոսքերը Trend-ը: 

«ԵԱՀԿ Մինսկի խումբը պետք է ակտիվացնի իր ջանքերը ղարաբաղյան հակամարտության կարգավորման հարցում, քանի որ նրա տարիների գործադրած ջանքերը, ցավոք սրտի, ոչ մի արդյունք չեն տալիս,-կարծում է Դավութօղլուն։ - Մենք պատրաստ ենք միշտ օգնություն ցուցաբերել համանախագահներին, և ինքներս էլ պետք է մեծ ակտիվություն ցուցաբերենք այդ գործընթացին»:

Նրա խոսքերով` Թուրքիան ամեն բան անում է տարածաշրջանում խաղաղություն հաստատելու համար: 

«Եթե Թուրքիան ընդունի Ադրբեջանի կողմից արված առաջարկը ԵԱՀԿ ՄԽ-ի հետ համագործակցելու մասին, ապա մենք մեծ հաճույքով կակտիվացնենք մեր ջանքերը հակամարտության լուծման հարցում»,-ասել է Դավութօղլուն:

Նախարարի կարծիքով` Ադրբեջանի և Թուրքիայի հետ համագործակցությունը սահմաններ չի ճանաչում: «Թուրքիան և Ադրբեջանը երկու եղբայր պետություններ են, և աշխարհում չկա նման համագործակող երկների որևէ այլ օրինակ»,-ասել է Դավութօղլուն: