Հրաչյա Հարությունյանը դարձավ Ռուսաստանի ՃՈ փտած համակարգի «զոհը»

Աղասի Առաքելյանը ֆեյսբուքյան իր էջում գրել է.

«Հրաչյա Հարությունյանը դարձավ Ռուսաստանի ՃՈ փտած համակարգի «զոհը»

2013 թվականի հուլիսի 13-ին Ռուսաստանի Պոդոլսկի շրջանում տեղի է ունեցել խոշոր ավտովթար, որի ժամանակ իրար են բախվել КамАЗ մակնիշի բեռանատարը և մարդատար ավտոբուսը: Դժբախտ պատահարի զոհ է դարձել 18 մարդ, իսկ 31 մարդ ստացել է տարբեր կարգի վնասվածքներ: Հայտնի է, որ բեռնատարի ղեկին եղել է Հայաստանի բնակիչ Հրաչյա Հարությունյանը:

Այստեղ ցանկանում ենք պարզել, թե արդյոք ավտովթարի միակ մեղավորը եղել է մեր հայրենակիցը, թե Ռուսաստանի ճանապարհային անվտագության փտած համակարգը նույնպես իր դերն է ունեցել:

Այսպես ավտովթարի հետ կապված առաջանոում են մի շարք հարցեր:

Պոդոլսկի ճանապարհի այդ վտանագավոր հատվածում մինչ խոշոր ավտովթարը լուսանշան գյություն չի ունեցել և ինչպես նշում են տեղի բնակիչները, այս դժբախտ պատահարը վաղ թե ուշ պետք է տեղի ունենար, քանի որ սա առաջին դեպքը չէ, որ այս հատվածում տեղի է ունենում նման խոշոր ավտովթար: Այսպես 2010 թվականի հուլիսի 26-ին ճանապարհի նույն հատվածում BMW մակնիշի ավտոմեքենան բախվել էր 12 մեքենայի, որի զոհ էր դարձել 5 մարդ: Բնակիչները նշում են, որ բազմիցս դիմել են տեղի իշխանություններին լուսանշան տեղադրելու հարցով, սակայն նրանց դիմումները անպատասխան են մնացել:

Բացի այդ, կարծես ռուսական իշխանությունները սպասում են մարդու կյանք խլող ավտովթարների, որպեսզի ճանապարհային վտանգավոր հատվածներում լուսանշաններ տեղադրեն: Այսպես Մոսկվայի հարավում միայն դժբախտ պատահարից հետո են ռուսական իշխանությունները տեղադրել լուսանշան:

Հաջորդ հարցը վերաբերվում է բեռնատարների լիցենզավորմանը,որը մինչ Պոդոլսկի ավտովթարը չի գործել և միայն դրանից հետո են ցանկանում վերականգնել: Այսպես Տրանսպորտի հարցերով Դումայի կոմիտեի առաջին փոխնախագահ Վիտալի Եֆիմովը հայտարարել է, որ պետք է վերադարձնել բեռնատար ավտոմեքենաների լիցենզավորումը և փոխել ճանապարհային անվտանգության համակարգը:«Արդեն 15 տարի է ճանապարհային անվտանգության համակարգը չի գործում»,- նշել է Եֆիմովը:

Հաջորդ հարցը վերաբերվում է բեռնատարների տեխզննմանը: Այսպես, համաձայն Ռուսաստանի օրենդրության, 3.5 տոննա բեռ տեղափոխող բեռնատարները պետք է տեխզննում անցնեն 12 ամիսը մեկ: Հայտնի է, որ ավտոբուսին բախված բեռնատարը տեխզննման կտրոն չի ունեցել, բացի դա հայտնի է նաև բեռնատարն արդեն երկու ամիս է՝ աշխատում է: Հարց է առաջանում, որտե՞ղ էին ճանապարհային ոստիկանության աշխատակիցները, որպեսզի հարկադրեին բեռնատարին տեխզննում անցնել: Պետք է նշել նաև, որ տեխզննման ժամանակ զննվում է նաև ավտոմեքենաների արգելակման համակարգը: Այսինքն, սա նշանակում է, որ եթե բեռանատարը տեխզննում անցած լիներ, ապա ամենայն հավանականությամբ այդ դժբախտ պատահարը տեղի չէր ունենա:

Հաջորդ հարցը վերաբերվում է օտար պետությունների վարորդական իրավունքերի հետ: Միայն 18 մարդու կյանքը խլած ավտովթարից հետո Ռուսաստանում ցանկանում են օրենք ընդունել, որով արգելվում է Ռուսաստանում ավտոմեքենա վարել օտար պետության վարորդական իրավունքով:

Հաշվի առնելով վերոնշյալը, կարելի է գալ եզրահանգման, որ Ռուսաստանի իշխանություններն անհամբեր սպասում էին այս 18 անմեղ մարդու զոհին՝ բարեփոխումներ կատարելու համար»: