Ազգային ժողովը ժողովրդի ու քաղաքացու հետ ոչ մի կապ չունի

«Ժառանգություն» կուսակցության քարտուղար Ստյոպա Սաֆարյանը ֆեյսբուքյան իր էջում գրել է.

«Երբ երկրիդ դատախազը ծառ է տնկում, շուրջպար պարում, նկարում, իսկ վերջում էլ՝ Թուրքիայից հողային պահանջ ներկայացնում, բացարձակապես չզբաղվելով իր պարտականություններով, ՀՀ քաղաքացիների իրավունքները խախտվելու են ոչ միայն Հայաստանում, այլեւ Ռուսաստանում: Իսկ ԱՊՀ տարատեսակ ձեւաչափերը՝ խորհրդարանական ու կառավարական չափումներով, մեր գործադիր, օրենսդիր ու դատական իշխանության պաշտոնյանների համար ընդամենը խնջույքների առիթ եւ հայ-ռուսական բարեկամության կենաց խմելու վայրեր են: Մի պատգամավոր չգտնվեց խորհրդարանում, որ մի բաց կամ փակ նամակ գրեր, ահազանգ հնչեցներ այդ վեհաժողովներում իր գործընկերների միջոցով... Երբ տարիներ առաջ ադրբեջանցիները սահմանը անցած հայ հովիվին խոշտանգեցին, նամակախեղդ արեցինք միջազգային կազմակերպություններին: Իսկ այս դեպքում բոլորը լուռ են.... կարծես՝ ոչինչ չի եղել: սա եւս ցույց է տալիս, որ այս Ազգային ժողովը ժողովրդի ու քաղաքացու հետ ոչ մի կապ չունեն...»: