Ժամանակակից կիրառական արվեստի ցուցադրություն Ազգային պատկերասրահում

Փետրվարի 1-ից Հայաստանի ազգային պատկերասրահում բացվել է «Հանուն Աստծո» խորագիրը կրող Իրանի ժամանակակից կիրառական արվեստի ցուցադրություն։ Այն նվիրված է Իրանի Իսլամական հեղափոխության հաղթանակի 33-րդ տարեդարձին: Ցուցադրությունը կազմակերպել է ՀՀ-ում ԻԻՀ դեսպանատան մշակույթի կենտրոնը:

Ցուցադրվում են ժամանակակից կիրառական արվեստի նմուշներ՝ կատարված ավանդական իրանական տեխնոլոգիաներով և ավանդույթներով: Բացի կիրառական արվեստի նմուշներից՝ ներկայացված են նաև իրանցի գեղանկարիչ Ալի Մոհամմադ Շեյխի ստեղծագործությունները, ում ստեղծագործություններում գերակայում են իրանական մանրանկարչության ավանդույթները, արևելյան միստիցիզմն ու հոգևոր թեմաները:

Ալի Մոհամմադ Շեյխը ծնվել է 1954 թվականին, Թեհրանի գեղարվեստի ակադեմիայի շրջանավարտ է: 1988-1992 թվականներին եղել է Այաթոլլա Թալեղանի մշակույթի պալատի տնօրենը, իսկ ներկայում համալսարանում գրաՖիկա և դիզայն է դասավանդում: ԻԻՀ արվեստի և գեղանկարչության բնագավառում կազմակերպվող մրցույթ-փառատոների ժյուրիի մշտական անդամ է և արժանացել է բազմաթիվ մրցանակների և պատվոգրերի:

Ցուցադրությունը բաց կլինի մինչև փետրվարի 8-ը, մուտքը՝ 800 դրամ: