Վարորդը նայեց 100 դրամին, հետո ինձ. դուրս շպրտեցի ինձ ավտոբուսից ու արցունքներս չկարողացա զսպել

Արաքս Առաքելյանը ֆեյսբուքյան իր էջում գրել է.

«Այսօր առաջինը նստեցի 5 համարի ավտոբուսը: Նույն այն ավտոբուսը,որը մտնում է մի այնպիսի ՍՊԸ-ի մեջ,որի անունն արդեն ամեն ինչ ասում է:

Վարորդը ճնշված էր, մտահոգ, մարդիկ էլ էին այդպիսին, բայց 200 դրամանոցները պարտաճանաչ աշակերտի պես ամուր պահել էին և սպասում էին իրենց կանգառին: Մտքներում ո՞վ գիտե ինչեր էին խոսում, բայց հնազանդորեն 150 վճարում էին և իջնում: Հերթն ինձ հասավ: 100 դրամ վճարեցի, վարորդը ոչինչ չասաց, իսկ ես հավելեցի՝ մնացածը Տարոն Մարգարյանը կվճարի, ու..... վարորդը նայեց 100 դրամին, հետո ինձ...հայացքը մինչև հիմա աչքերիս առաջ է: Դուրս շպրտեցի ինձ ավտոբուսից ու արցունքներս չկարողացա զսպել: Վարորդի հոգնատանջ, արևից սևացած դեմքը, այդ աչքերը..... Ես ցավ եմ ապրում, որ իմ հայրենակիցը այս վիճակին է, որ Տարոնի ու նրա նմանների ստրուկն է, էդքան ասում են խաբում մարդկաց տանում են Թուրքիա...և այլ երկներ աշխատանքային թրաֆիքինգի, առաջին Թուրքիան մեր երկիրն է դարձել, էդ մարդիկ բա աշխատանքային թրաֆիքինգի չե՞ն ենթարկվում, որ գոյատևելու համար ստրուկի պես ստիպված են համակերպվել ամեն քնից զարթնող ու որոշում ընդունողների ասածների հետ: Ահավոր կոտրված այդ տեսարանից տուն հետ դառնալուց նորից նստեցի նույն գծի մեկ այլ ավտոբուս: Չգիտեմ ոնց հանկարծ բողոքի ալիք բարձրացավ, վարորդի մոտ ոնց որ ինքնապաշտպանական ռեակցիա լիներ, իրեն թվում էր, թե բոլորն իրեն են մեղադրում, ասաց, որ վաղվանից էլ գործի չի գնալու, չի կարող հադուրժել, եթե ուզում են պայքրել, թող գան ավտոբուսների կայանատեղի և բողոքի ցույցը հենց այնտեղ սկսեն և նա ու շատ վարորդներ կմիանան: 200 դրամ տվեցի և վարորդը 100 դրամ հետ տևեց: Ասացի ցավում եմ, որ մենք ու դուք ենք արդյունքում տուժվում, իսկ նրանք միշտ շահողի դերում են, հազիվ ժպտաց և ասաց՝ ոչինչ ազիզ ջան, դու հագիստ գնա:
Հ.Գ. Վարորդի արտահայտած միտքն ինձ դուր եկավ, չգիտեմ՝ որքանով եմ ճիշտ, բայց կարծում եմ՝ թռուցիկների հետ զուգահեռ ճիշտ կլինի խմբերի բաժանվել և հենց մի քանի ավտոբուսների կայանատեղերից սկսել բողոքի ակցիաները ու չթողնել, որ դուրս գան ավտոբուսները, վաղն էլ ոչ աշխատանքային օր է, մեծ խնդիրներ չեն առաջանա կարծում եմ: Ու հենց ցույցերը պետք է սկսել հատկապես քաղաքապետին պատկանող ավտոբուսների կայանատեղերից, հուսանք դա գոնե ինչ-որ կերպ կսթափեցնի:

Քաղաքապետ, վարորդն էն մարդն ա, որ նույնիսկ ծանր կացության մեջ, երբ հազիվ է ընտանիք պահում, խիղճը սպանում ա մեջը, հանում հետ ա տալիս էդ 50 դրամը, չնայած շատ լավ գիտի, որ դիպապետչերանոցներում նշանակած մակլավիկներիդ մուննաթին ու զոռբայությանն ա բախվելու:

Վերջը, ճիշտ է, ուշանում է, բայց մի օր գալու է, չկասկածեք»: