Դուբայում ներում են շնորհել բռնաբարված նորվեգուհուն, ում ձերբակալել էին անառակութան համար
Մերձավոր Արևելք
Արաբական Միացյալ Էմիրությունների Դուբայ քաղաքի կառավարիչ Մուհամմեդ Ռաշիդ Ալ Մաքթումը ներում է շնորհել Նորվեգիայի քաղաքացի Մարթա Դեբորա Դալելվին, ում ազատազրկման էին դատապարտել այն բանից հետո, երբ վերջինս բողոք էր ներկայացրել ոստիկանություն իրեն բռնաբարելու համար. գրում է CNN-ը:
ԱՄԷ-ի արտաքին քաղաքական գերատեսչության ներկայացուցչի խոսքերով՝ Դուբայի էմիրը նման որոշում է կայացրել երկու պետությունների միջև արտգործնախարարությունների վարած բանակցություններից հետո:
ԱՄԷ-ի ԱԳՆ-ում նշել են, որ երկրի իշխանությունները չեն պատրաստվում դեպորտի ենթարկել կնոջը: Միաժամանակ խոստացել են չխանգարել կնոջը՝ լքել արաբական պետության տարածքը: Մարթան հայտնել է, որ պատրաստվում է հեռանալ ԱՄԷ-ից:
Հիշեցնենք, որ Մարթա Դեբորա Դալելվին դատապարտել էին 16-ամսվա ազատզրկման այն բանից հետո, երբ 2013 թ. մարտին նա բողոք էր ներկայացրել բռնաբարության համար, որին կինը ենթարկվել էր Դուբայի հյուրանոցներից մեկում: Բռնաբարված կնոջը մեղավոր էին ճանաչել անառակության, ալկոհոլի օգտագործման և սուտ վկայություններ տալու համար: Այս դատավճիռը սուր քննադատության էր ենթարկվել Նորվեգիայի ԱԳՆ-ի կողմից:
ՈՒՂԻՂ ԵԹԵՐ
Ամենադիտված 
Մահացել է ուսուցչուհի Անուշ Ավետիսյանը
