Լոնդոնում աթեիզմին նվիրված տաճար կկառուցեն
Աշխարհ
Շվեյցարացի գրող և փիլիսոփա Ալեն դե Բոտտոնը հայտարարել է, որ պատրաստվում է 1 մլն ֆունտ ստեռլինգով Լոնդոնում կառուցել աթեիզմի տաճար: Այս մասին է հաղորդում Associated Press–ը։
Վերջինս նշել է, որ սովորաբար տաճարները նվիրվում են Հիսուսին, Մարիամին կամ Բուդդային, բայց կարելի է տաճար կառուցել՝ նվիրված ինչ-որ մի բանի, ինչը դրական է և լավ։
«Դա կարող է լինել սիրո, ընկերության, հանգստության կամ հեռանկարների տաճար: Ռիչարդ Դոքինսի և Քրիստոֆեր Հիտչենսի պատճառով աթեիզմը սկսել է ընկալվել որպես կործանիչ ուժ: Մինչդեռ շատ մարդիկ կան, որոնք հավատացյալներ չեն, սակայն դրանով հանդերձ թշնամաբար չեն տրամադրված կրոնների նկատմամբ»,- ասել է Ալեն դե Բոտտոնը:
Սակայն նրան հակառակվել է դե Բոտտոնի կողմից հիշատակված Ռիչարդ Դոքինսը՝ ասելով, թե աթեիստները տաճարի կարիք չունեն։
«Ես կարծում եմ, որ ավելի լավ միջոցներ կան այդ գումարը ծախսելու համար: Եթե դուք պատրաստվում եք գումարը ծախսել աթեիզմի վրա, ապա կարող եք բարելավել աշխարհիկ կրթությունը և բացել ոչ կրոնական դպրոցներ, որտեղ կսովորեցնեն ռացիոնալ, սկեպտիկական և քննադատական մտածողություն», – հայտարարել է նա:
ՈՒՂԻՂ ԵԹԵՐ
Ամենադիտված 
Ալիևը հայտարարություն է արել սեպտեմբերի 27-ի կապակցությամբ
