ԱՄՆ-ում հաշվել են Սիրիայի հակամարտությանը միջամտելու ծախսերը

ԱՄՆ-ի Զինված ուժերի շտաբների պետերի Միավորված կոմիտեի ղեկավար Մարտին Դեմփսին գնահատել է Սիրիայի զինված հակամարտությանը ԱՄՆ-ի անմիջական միջամտության արժեքը: Նրա հաշվարկներով՝ դա կկազմի ամսական մեկ մլրդ դոլար. գրում է Reuters-ը: 

Դեմփսիի կարծիքով՝ ամերիկացիները սիրիական հակամարտությանը միջամտելու 5 տարբերակ ունեն: Դրանցից առավել քիչ ծախսատարը, գեներալի կարծիքով, սիրիացի ապստամբներին մարտական գործողությունններին վարժեցնելն է: Դա ԱՄՆ-ի բյուջեից տարեկան 500 մլն դոլար կպակասեցնի:

Մյուս տարբերակները նախատեսում են ամերիկյան զինված ուժերի անմիջակյան միջամտություն կոնֆլիկտին: Մասնավորապես, ԱՄՆ-ն կարող է կետային օդային և հրթիռային հարվածներ հասցնել սիրիական բանակի օբյեկտներին և ենթակառուցվածքներին, Սիրիայի տարածքում ստեղծել ոչ թռիչքային գոտի, կազմակերպել բուֆերային գոտիներ, ինչպես նաև քիմիական զենքի ոչնչացման դեմ գործողություններ վարել: 

Դեմփսին պարզաբանել է, որ միջամտության բոլոր այս տարբերակները պահանջում են կոնֆլիկտի գոտում օդային և ցամաքային զորքեր մտցնել և հղի են լուրջ մարդկային կորստի վտանգով: Ընդ որում՝ գեներալի կարծիքով՝ ԱՄՆ-ի իշխանությունները պետք է եզրակացություններ անեն վերջին տարիների ընթացքում ԱՄՆ-ի վարած ռազմական գործողություններից և միջոցներ ձեռնարկեն Սիրիայում իրապես գործող քաղաքական համակարգ պահպանելու ուղղությամբ: