Եգիպտոսում զոհերի թիվը հասել է 11-ի

Եգիպտոսի մայրաքաղաք Կահիրեում և Սուեցում շարունակվող բախումների հետևանքով զոհերի թիվը հասել է 11-ի, հաղորդում է Euronews-ը։

Մայրաքաղաքում զոհվածների թիվը 5-ն է, Սուեցում՝ վեցը։ Վիրավորների ընդհանուր թիվը հասել է 2532-ի։

Երկրի Ներքին գործերի նախարարության շենքի մոտ բախումները նոր թափ են ստացել։ Ցուցարարները, որոնք պահանջում են պատժել նախորդ շաբաթ ֆուտբոլային հանդիպման ժամանակ տեղի ունեցած բախումների մեղավորներին, այրել են մի քանի խանութ և գրասենյակ։

Հիշեցնենք, որ երկրի ՆԳ նախարար Մուհամեդ Իբրահիմը հայտարարել է, որ եթե բռնությունների կասեցման համար անհրաժեշտ է իր հրաժարականը, նա ցանկացած պահի պատրաստ է դիմել այդ քայլին։