«Սառը սուրճը 150 է, բայց կարաս 100 տաս, տղա՛ ջան»
Բլոգոսֆերա
Կարեն Բաբաջանյանը ֆեյսբուքյան իր էջում գրել է.
«Այսօր ես էլ իմ ընկերներից մի քանիսի հետ կարողացա մոտ երեք ժամով միանալ « ՈՉ 150» ակցիային: Իսկ քիչ առաջ իմացա,որ հարցը լուծվել է…
Կարդում եմ ամենուրեք շնորհավորանքի խոսքեր, ուռանեեեր, սմայլիկնեեեեր՝ ուղղված մեկը մյուսին…
… շատ հետաքրքիր զգացողություն ունեցա: Նախ պատկերացրի ինչ ուրախություն կապրեն մեր համաքաղաքացիները, և առավելևս կանգառներում ակցիային մասնակցող երիտասարդները….
Բայց ամենակարևորի մասին.
Այս ակցիայով բացի 150-ից 100 դրամ անցնելը, կարծում եմ լուծվեց նաև մի քանի այլ ՈՉ պակաս կարևոր խնդիր:
Նախ՝ մարդիկ ականատես եղան դեպքերի ծայրաստիճան արագ զարգացմանը, պատմութունից եկած ՝ «ՆԵՂ ՊԱՀԵՐԻՆ ՄԵՆՔ ՄԻԱՍԻՆ ԵՆՔ» Հայի կարգախոսը հիշելով:
Երկրորդ ՝ համոզված եմ վաղը կլինեն էլի մարդիկ, որ անկախ այսօրվա հաղթանակից, վաղը կունենան նույն քաղաքացիական գիտակցումը և ոգին…:
Իսկ պատմությունը ցույց է տալիս, որ նմանատիպ երևույթները կարող են ծառայել շատ տարբեր իրավիճակներում և օգտակար դեր ունենալ քաղաքացիական հասարակություն ստեղծելու գործում:
Իսկ այդ առիթով իրոք անհրաժեշտ է շնորհավորել իրար…
P.S… /օրվա հումորը՝ մեր տղերքից մեկի հետ պատահած/ Խանութում վաճառողուհուն հարցրեց,- սառը կոֆեն ի՞նչ արժի: Կինը պատասխանեց,- 150, բայց կարաս 100 տաս տղա ջան…:))»:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
