«Հրաչյա Հարությունյանի հետ տեղի ունեցածից հետո նկատելի է մի` բավական վտանգավոր տենդենց»

Արման Հ. Գրիգորյանը ֆեյսբուքյան իր էջում գրել է.

«Լրատվական կայքերում լրահոսի առաջին հորզիոնականում Ստավրոպոլյան հայ ընտանիքի սպանության լուրն է: Ինչ խոսք ցավալի փաստ է կատարվածը, որ պետք է համարժեք կերպով ընթացք ու գնահատական ստանա ռուսական պատկան մարմինների կողմից: Սակայն կա մի նրբերանգ, որի մասին կուզեի անդրադառնալ: Մեր հայրենակից Հրաչյա Հարությունյանի հետ տեղի ունեցածից հետո նկատելի է մի բավական վտանգավոր տենդենց. հակառուսական տրամադրությունների սերմանում մեր հասարակության մեջ: Արդեն իսկ նման տրամադրություններն առկա են և բոլորս էլ գիտենք վելիկոռուսական շովինիզմի ու կայսրեապաշտության մասին, և կարիք չկա դրանք էլ ավելի խորացնելու. չպետք է մոռանալ մենք հավասար դիրքերում չենք այս պահին և պետք է գործենք չափազանց զգույշ, ճկուն և շրջահայաց: Ի վերջո նմանատիպ դեպքեր եղել են ու կլինեն այնքան ժամանակ, քանի դեռ մենք որպես պետություն կախված ենք մեր հզոր հարևաններից, ինչ անունով էլ նրանց կնքենք: Թերևս կարիք չկա հիշեցնոլւ, թե Հրաչյաի հետ կատարված դեպքերի ամենաթեժ պահերին մի ռուս պաշտոնյա ոնց էր հոխորտում, թե կարտաքսեն իրենց երկրից բոլոր անօրինական գաղթյալներին ... ինչին հաջորդեց Եվրազեսի գաղափարական հայր նեոֆաշիստ Ալ .Դուգինի սպառնալիքները մեր երկրի հասցեին: Չեմ կարծում, թե սրանք պատահական քայլեր են: Ուղղակի պիտի հաշվի առնել մեր հարյուր հազարավոր հայրենակիցների գոյության փաստը ՌԴ-ում և ապա նոր փորձել ինչ-որ գաղափարներ արմատավորել մեր հասարակության մեջ»: