«Նախաձեռնության հաղթանակը հանրության մի մասի մոտ «Մենք»-ի ընկալման վերհառնումն էր»

Արծրուն Պեպանյանն իր ֆեյսբուքյան էջում գրել է.

«Նախաձեռնության հաղթանակը ուղեվարձը հարյուր հիսունից հարյուր դրամ դարձնելը չէր: Նախաձեռնության հաղթանակը հանրության մի մասի մոտ Մենք-ի ընկալման, Տեսակի զգացողության վերհառնումն էր: Հաջորդ քայլը պիտի լիներ այդ ընկալման ու զգացողության ուժգնացումն ու ընդլայնումը, քանի որ դարերի բերումով մեզանում այն մոխրի տակ է, իսկ այդ դեպքում երկիրը ավազուտներին այն կողմ չի աճում:

Ավելի ստույգ՝ հաջորդ քայլը այդ ընկալման ու զգացողության ուժգնացումն ու ընդլայնումն է:

ՀԳ. Երիտասարդները թող դիվադադար անեն մանր ու մեծ պաշտոնյաներին, իսկ ավագներս խորհենք այդ մասին»: