Թուրքիան սառեցրել է Եգիպտոսի հետ մի շարք համաձայնություններ

Թուրքիան որոշում է կայացրել սառեցնել Եգիպտոսի հետ ունեցած մի շարք համաձայնությունները. երեքշաբթի օրը տեղեկացնում է Sabah թուրքական պարբերականը:

Ինչպես գրում է թերթը, երկկողմ սառեցված համաձայնությունները վերաբերում են տրանսպորտի, կրթության և առողջապահության ոլորտներին: Բացի այդ, Անկարան կասեցրել է Եգիպտոսին թուրքական արտադրության ANKA անօդաչու սարքերի մատակարարումը:

Միաժամանակ, երկու երկրների միջև դադարեցվել է Թուրքիայի Իսքենդերուն և եգիպտական Պորտ Սաիդ նավանահանգիստների միջև  բեռնատար նավերի ծովային հաղորդակցությունը:

Նշենք, որ թուրք-եգիպտական հարաբերությունների միջև լարվածությունն ի հայտ եկավ նախագահ Մուհամմեդ Մուրսիին տապալելուց հետո: Անկարան Եգիպտոսում տեղի ունեցածը որակեց ռազմական հեղաշրջում և հայտարարեց, որ Եգիպտոսի ռեժիմը լեգիտիմ չէ: