Սաուդցի կանայք վարորդական իրավունք ստանալու համար պայքարի են դուրս եկել

Սաուդյան Արաբիայում կանայք քարոզարշավ են սկսել դատարանում՝ կանանց վարորդական իրավունք տալու արգելքը վիճարկելու համար։

Քարոզարշավի նախաձեռնող Մանալ Շարիֆը BBC-ին հայտնել է, որ կիրակի օրը՝ երեկոյան, Սաուդյան Արաբիայի պետական հեռուստատեսության եթերում հենց այդ կոչով է հանդես գալու։ Նա մտադիր է օրինակ դառնալ երկրի մյուս կանանց համար, որոնք, կարող են դատարանում վիճարկել կանանց վարորդական իրավունք չտրամադրելու արգելքը։

Անցյալ տարվա նոյեմբերին Շարիֆն աննախադեպ ակցիայով էր հանդես եկել՝ դատարանում պահանջելով իրեն վարորդական իրավունք տրամադրել։ Այժմ նրա գործը քննվում է երկրի ներքին գործերի նախարարությունում։