Շատ ափսոս, որ նրանք հեռանում են և հեռանում են այդքան երիտասարդ

Վարդան Վարդանյանը ֆեյսբուքյան իր էջում գրել է.

Հայտնի հեռուստահաղորդավար, շոումեն Մարկ Սաղաթելյանի անժամանակ մահը ցնցեց բոլորիս։ Սոցիալական ցանցում նրա ընկերները, մտերիմները, երկրպագուները խորը վիշտ են ապրում 42-ամյա տաղանդավոր Մարկ Սաղաթելյանի անժամանակ մահվան համար: Մարկը թերևս այն եզակի արտիստներից էր, ով իր հումորով լցնում և ուրախություն էր պարգևում մեր հայրենակիցներին անգամ մեր ժողովրդի համար ամենադժվար ժամանակաշրջանում: Ափսոս, շատ ափսոս, որ նրանք հեռանում են և հեռանում են այդքան երիտասարդ, թողնելով վիշտ, ափսոսանք, սեր, կարոտ, հուշեր: Ակամա մտածում ես' ինչ է կյանքը. մի պահ, ակնթարթ, չգիտես, թե վաղը ում հերթն է գալու, գուցե հենց քո հերթն է եկել, սկսում ես մտածել արդյոք հասցրել ես անել այն ամենն, ինչի մասին երազում էիր, ինչ պլանավորում էիր: Արդյոք Մարկը հասել էր իր նպատակին, ոչ ոք չի կարող ասել, այդ հարցի պատասխանը գիտի միայն նա և ինքն էլ այդ պատասխանը տարավ իր հետ դեպի հավերժական լռություն: Ցավում եմ, որ նա այլևս մեզ հետ չէ... Ցավակցում եմ Մարկի բոլոր հարազատներին, ընկերներին և պարզապես երկրպագուներին: Սեպտեմբերի 1-ին նա կդառնար 42 տարեկան: Աստված հոգիդ լուսավորի, մեր շատ սիրելի Մարկ ...