Օդեսայում երկու ռուս է ձերբակալվել՝ ահաբեկչություն նախապատրաստելու մեղադրանքով

Օդեսայի ոստիկանության ձեռնարկած հատուկ գործողությունների արդյունքում շաբաթ օրը ձերբակալվել են Ռուսաստանի երկու քաղաքացիներ, որոնք մեղադրվում են ահաբեկչական գործողություններ նախապատրաստելու մեջ, հաղորդում են ուկրաինական լրատվամիջոցները։

Սակայն որոշ տեղեկությունների համաձայն, ձերբակալվել է միայն մեկ կասկածյալ։ Ինչպես հաղորդում է «Ռիա Նովոստի»–ն, ձերբակալվածները հայր և որդի են, որոնք Հյուսիսային Կովկասի բնակիչներ են։ Նրանք կասկածվում են անցյալ ամիս Օդեսայում պայթյուն և հրդեհներ իրականացնելու մեջ։