Լիբիայում Ռուսաստանի դեսպանատան առաջ բարձրացվել է սիրիական ընդդիմության դրոշը
Մերձավոր Արևելք
Մոտ երկու հարյուր սիրիացիներ Լիբիայի մայրաքաղաք Տրիպոլիում գտնվող Ռուսաստանի դեսպանատան շենքի առաջ բողոքի ցույց են անցկացրել։ Ըստ որոշ տեղեկությունների՝ նրանց մի մասը մուտք է գործել դիվանագիտական ներկայացուցչության տարածք։
Ցուցարարները հակառուսական կոչեր են հնչեցրել և դեսպանության շենքի առաջ սիրիական ընդդիմության դրոշը պարզել՝ ի նշան բողոքի ՄԱԿ–ի Անվտանգության խորհրդում նախօրեին Սիրիայի հարցով բանաձևի վրա Ռուսաստանի կողմից վետո դնելու հետ կապված։
Սիրիայի Ազգային խորհրդի ներկայացուցիչը հայտնել է, որ Ռուսաստանի դեսպանատան անձնակազմի նկատմամբ ոչ մի բռնություն չի կիրառվել։
Լիբիայում Ռուսաստանի դեսպանության ներկայացուցիչը «ИТАР-ТАСС»–ին հայտնել է, որ ցուցարարներին չի հաջողվել ներխուժել դիվանագիտական առաքելության տարածք, սակայն հաստատել է ցուցարարների կողմից սիրիական ընդդիմության դրոշը դեսպանության շենքի առջև բարձրացնելու տեղեկությունը։
Ինչպես ավելի վաղ հայտնել է Լուրեր.com–ը, Սիրիայի հարցով Ռուսաստանի և Չինաստանի դիրքորոշումն արդեն իսկ քննադատել են Մեծ Բրիտանիան, ԱՄՆ, Ֆրասիան, ՄԱԿ ղեկավարությունը։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
