Քենեդիի սիրուհին նախագահի հետ իր սիրավեպի մասին գիրք է հրատարակել

ԱՄՆ-ում լույս է տեսել Ջոն Քենեդիի սիրուհու՝ Միմի Էլֆորդի հեղինակած գիրքը, որում նա պատմում է իր ու նախագահի սիրային արկածների մասին։ Գիրքը հրատարակվել է «Եղել է մի գաղտնիք» վերտառությամբ, գրում է NEWSru.com-ը։

Միմին գրքում պատմում է այն մասին, թե ինչպես է 1962-ին կորցրել կուսությունը, երբ Քենեդին իրեն հրավիրել է Սպիտակ տան լողավազան։ Այդ ժամանակ նա փորձաշրջան է անցնելիս եղել նախագահի վարչակազմում:

Նրանց կապը տևել է 1.5 տարի, ու չի ընդհանտվել նույնիսկ երբ Միմին ավարտել է փորձաշրջանը: Վերջին անգամ Միմին Քենեդիի հետ սեռական կապի մեջ է եղել նրա սպանությունից մի քանի օր առաջ։