Սիրիայի Հոմս քաղաքում մարտերն ավելի են թեժացել

Վերջին մի քանի ժամվա ընթացքում Սիրիայի Հոմս քաղաքում շարունակվող մարտերն ավելի են թեժացել և լարվածությունը կրիտիկական աստիճանի է հասել։

Իրավապաշտպանները հաղորդմամբ՝ այս պահի դրությամբ 12 մարդ զոհվել է և տասնյակ մարդիկ վիրավորվել։ Իսկ ընդդիմության ակտիվիստների՝ երկուշաբթի առավոտյան 23 ցուցարար է զոհվել։ Վիրավորներին տեղափոխում են մոտակա հիվանդանոցները, իսկ զոհվածներին հողին են հանձնում միայն գիշերով՝ դիպուկահարների կրակոցներից խուսափելու համար, հաղորդում է BBC–ն։

Շաբաթ օրը ԱՄՆ–ի նախագահ Բարաք Օբաման Սիրիայի նախագահ Բաշար Ասադին կոչ էր արել հրաժարական տալ այն բանից հետո, երբ փետրվարի 3–ին Հոմս քաղաքում հրետանային ռմբակոծությունից հետո զոհվել էր ավելի քան 200 մարդ։ Միջադեպի հետ կապված Սիրիայի իշխանությունները մեղադրել են զինված խմբավորումներին։