Բրիտանական թանգարանը դժվար թէ այդքան հեշտ համաձայնվի. Հասմիկ Պողոսյան

ՀՀ մշակույթի նախարար Հասմիկ Պողոսյանը այսօր լրագրողների հետ հադիպման ժամանակ պատասխանելով Լուրեր.com-ի այն հարցին, թե ինչպես է գնահատում ՀՀ գրթության և գիտության նախարար Արմեն Աշոտյանի նախաձեռնությունը, որով նա առաջարկում է դիմել ՀՀ-ում Մեծ Բրիտանիայի նորանշանակ դեսպաններին՝ պահանջելով Հայաստան վերադարձնել Բրիտանական թանգարանում պահվող Անահիտ աստվածուհու հանրահայտ արձանի բեկորներն, ասաց. «Գիտեք, ես կարծում եմ, որ մեզ համար ընդհարապես շատ կարևոր է, որ մեր ժառանգությունը մենք կարողանանք Հայստանում հավաքենք։ Այսինքն ենթադրում եմ, որ այդ ցանկությունն է, որ պրն. Աշոտյանը հայտնել է, և եթե ստացվի բերել Հայաստան, ինչո՞ւ չէ, հաշվի առնելով այն հանգամանքը, որ Հելենիստական մշակույթի բեկորները մեզանում շատ քիչ են պահպանված: Մենք, ըստ էության, կոթողային կտորներ այդ մշակույթից պահպանված չունենք: Եթե դուք ինձ ասեիք՝ որևէ խաչքար եկեք տեղափոխենք Հայստան, ես կասեի չէ, որտեղ որ կան, թող այնտեղ էլ մնան, որովհետև ինչքան շատ վայրերում լինեն, այնքան ավելի շատ հայերի մշակույթի մասին կխոսեն: 

Եթե այդպիսիս բարի կամք, դրսևորվի բնականաբար Հայաստանը չի հրաժարվի: Բայց ես կարծում եմ, որ Բրիտանական թանգարանը դժվար թէ այդքան հեշտ հանձնի բեկորները: Ամեն դեպքում ցանկությունը լավ ցանկություն է և ինչ ընթացք էլ որ ստանա, ես կարծում եմ, որ դրական է՝ և՛ տալու և՛ չտալու պարագայում»: