Սանահինի վանքի վերանորոգման համար կտրամադրվի 17 մլն դրամ

Թեղուտում եղած բազմաթիվ հուշարձանների հետագա ճակատագրին անդրադառնալով՝ այսօր լրագրողների հետ հանդիպման ժամանակ ՀՀ մշակույթի նախարար Հասմիկ Պողոսյանն ասաց, որ դրանք բոլորն էլ պետականորեն գրանցված են, և այդ հուշարձանների հանդեպ ցանկացած գործողություն պետք է համաձայնեցվի կառավարության հետ: Ինչ վերաբերում է Թեղուտում գտնվող Բովերի եկեղեցու հարցին, ապա դրա մնացորդների տեղափոխման համար հողակտոր է ձեռք բերվել Շնող գյուղում: Բացի եկեղեցուց՝ տարածքում կա նաև մեկ արժեքավոր խաչքար և տասնյակ տապանաքարեր:

Խոսելով Սանահինի վանքի վերանորոգման մասին՝ նախարարն ասաց, որ այդ նպատակով պետբյուջեից այս տարի կհատկացվի շուրջ 17 մլն դրամ:

«Հուշարձանների պահպանության գործընթացում Սանահինի վանքի վերանորոգման հարցը շարունակում է հրատապ մնալ: Շինարարական մրցույթը հայտարարվել է, հաղթողն արդեն իսկ կա, և վանքի վտանգված հատվածների վերանորոգման աշխատանքները մեկնարկելու են այս տարի»: