Ահաբեկչություն Բեյրութում. կա 18 զոհ
Մերձավոր Արևելք
Լիբանանի մայրաքաղաք Բեյրութում ականապատ մեքենայի պայթյունից զոհվել է 18, վիրավորվել՝ 291 մարդ, գրում է ИТАР-ТАСС-ը՝ հղում կատարելով Լիբանանի առողջապահության նախարարության հաղորդած տեղեկություններին:
Լիբանանյան ԶԼՄ-ների տվյալներով՝ ահաբեկչական հարձակումը կազմակերպվել էր Բեյրութի հարավում՝ «Հըզբոլլահ» խմբավորման գրասենյակի մոտ: Նշենք, որ «Հըզբոլլահ»–ն այս օրերին նշում է Իսրայելի հետ պատերազմի ավարտը:
Մեքենան պայթել էր օրվա «ծանրաբեռնված» ժամին, ինչի հետևանքով մեծ թվով զոհեր կան: Մասնակիորեն ավերվել են մի քանի բնակելի տներ: Փրկարարները փորձում են փլատակների տակից դուրս բերել ողջ մնացածներին: Ահաբեկչության պատասխանատվությունը ստանձնել է նախկինում անհայտ «Սարայաթ Աիշա Ում մումինին» կազմակերպությունը:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
