Թուրքիան հերքել է Սիրիայում քրդական ինքնավարություն ստեղծելուն կողմ լինելու լուրը
Մերձավոր Արևելք
Թուրքիայի ԱԳՆ-ն չի հաստատել լուրերն այն մասին, թե Անկարան այս փուլում կողմ է Սիրիայում որոշակի պայմանների ձևավորման դեպքում քրդական ինքնավարության ստեղծմանը: Այս մասին РИА Новости-ին հայտարարել է Թուրքիայի ԱԳՆ մամլո քարտուղար Լևենթ Գյումրյուքչուն:
Նշենք, որ մի շարք թուրքական ԶԼՄ-ներ հայտնել էին, թե Թուրքիան որոշակի պայմաններով համաձայն է Սիրիայի քրդերին ինքնավարություն տրամադրելու գաղափարի հետ:
«Մենք չենք հաստատում այդ տեղեկությունները։ Այս պահին մենք դեմ ենք այդ հարցի շուրջ ցանկացած շուտափույթ մեկնաբանություններ անելուն: Սակայն այն բանից հետո, երբ Սիրիայում նոր խորհրդարան կձևավորվի, մենք հարգանքով կընդունենք բոլոր այն որոշումները, որոնք սիրիացիները կկայացնեն ժողովրդավարական ճանապարհով»,– ասել է գործակալության զրուցակիցը:
Նա նաև հավելել է, որ այս պահին պետք է առավելապես մտածել ոչ թե քրդական ինքնավարություն ստեղծելու հարցում Թուրքիայի դիրքորոշման, այլ այն մասին, որ նոր և ժողովրդավար Սիրիան ինքը պետք է որոշի իր ապագան և կառավարման համակարգի կառուցվածքը:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
