100 գրամ բիբարը` 6000 դրամ

Սուրեն Թադևոսյանը facebook սոցցանցի իր էջում գրել է.

«Այսօր, ինձ կներեք, «գեղեցիկ հագցրեցին» «Մոսկվիչկա» սուպերմարկետում: Չէ, հագուստի բաժին չէին բացել, ավելի հեշտ տարբերակ էին գտել «հագցնելու»:

Ես չգիտեմ, անկեղծ ասած, օրենքով պարտավո՞ր են ապրանքի վրա գին գրել, թե չէ, բայց տեսնելով իմ սիրած չիլի բիբարից` շատ չխորացա. մոտ 50-100 գրամ էր, ի՞նչ գին պիտի դա լիներ:

Վերցնելով մոտավորապես այն ամենը, ինչպես միշտ եմ անում, մոտեցա դրամարկղին. միշտ վճարում եմ մոտ 8000-10000 դրամ, և մի փոքր զարմացա, երբ հաշիվը կազմեց 17,400 դրամ:

Քանի որ հերթ կար արդեն, և մարդիկ սպասում էին, արագ վերցրեցի ապրանքս և վերադարձա տուն: Կյանքումս երևի առաջին անգամ տանը փնտրեցի փաթեթներում չեկը, որովհետև չեմ սիրում ինձ հիմար զգալ:

Կարդալով այն` ես ինձ հենց այդպես էլ զգացի, որովհետև ես, իհարկե, կարող էի հարցնել այդ պղպեղի գինը, բայց ես դա չարեցի: 100 գրամ այդ չիլին արժեր, փաստորեն, 6000 դրամ: Այո): Լավ է` Մոսկվիչկա էր, բա որ մեր գլխին Մոսկվիչ գար, ի՞նչ պիտի անեինք:

Ասածս ինչ է. եթե գին գրած չի, հարցրե'ք, ես սրանից հետո տենց էլ անելու եմ»: