Օբամայի տատիկը մի քանի կապտուկներ է ստացել և վախեցել

ԱՄՆ գործող նախագահ Բարաք Օբամայի 91-ամյա տատիկը հանգստյան օրերին վթարի է ենթարկվել, սակայն բարեբախտաբար լուրջ վնասվածքներ չի ստացել։

Huffingtonpost.com-ի տվյալներով Սառա Օբաման տուժել է վարորդի մեղքով, ով չի կարողացել կառավարել մեքենան եւ դուրս է եկել ճանապարհի երթևեկելի մասից: Տատիկը թեթեւ վախեցել եւ մի քանի կապտուկներ է ստացել: Աննշան վնասվածքներ են ստացել նաեւ նրա թիկնապահներն ու վարորդը: Շաբաթ օրը երեկոյան նրան դուրս են գրել հիվանդանոցից և տեղափոխել տուն։